Халықты солтүстікке қоныстандыру мақсатында Түркістан облысына Абай, Қарағанды, Павлодар, Ұлытау, Солтүстік жәге Шығыс Қазақстан облыстарынан 70-тен астам өкіл келді.
«Жұмыс күшінің мобильділігін арттыру үшін ерікті түрде қоныс аударуға жәрдемдесу» бағытында солтүстік өңірлерден келген арнайы делегация Ордабасы ауданындағы ауыл округтерде қоныс аудару мәселелері бойынша халықпен кездесулер өткізді.
Аудан орталығының Темірлан ауылында өткен кездесуге 70 адам қатысып, 7 адам қоныс аударуға ниет білдірді. Сонымен қатар Шұбар ауыл округіндегі кездесуге 120 азамат қатысып, оның 2-і қоныс аударуға ықылас танытқан. Сондай-ақ, Шұбарсу ауыл округіндегі жиынға 50 азамат қатысып, оның 3-і көшуге ниетті. 2015 жылдан бері Түркістан облысынан еліміздің жұмыс күші жетіспейтін солтүстік өңірлерге халықты қоныстандыру жұмыстары жүргізіліп келеді. Нәтижесінде, 2015-2023 жылдар аралығында өңірден13 758 адам қоныс аударған. 2023 жылдың қорытындысымен республика бойынша 6 727 квота белгіленсе, оның 29,3%-ы Түркістан облысының еншісінде. Ал, 2024 жылға Еңбек және халықты әлеуметтік қорғау министрлігі Республика бойынша 7050 квота бөлген.
Айта кету керек, бағдарлама қатысушыларына және олардың отбасы мүшелеріне бір рет 70 АЕК (258 440 тг) мөлшерінде көмек беріледі.
Аудан әкімінің баспасөз қызметі
Comments