Тұрғындардың талап-тілегін тыңдау және қордаланған мәселелерді шешу мақсатында аудан әкімі Азат Оралбаев азаматтарды жеке қабылдады.
Қабылдау барысында халық тарапынан ауыз су, тұрғын үй, жер учаскелері және Бозшымыр каналына қатысты өзекті мәселелер көтерілді.
Кездесу кезінде мәселенің мән-жайы жан-жақты талқыланып, жауапты сала мамандарымен бірге жай-жапсары анықталды. Тұрғындарды алаңдатқан сұрақтар бойынша түсіндіру жұмыстары жүргізіліп, оларды шешу жолдары қарастырылды.
Аудан әкімі көтерілген мәселелерді кезең-кезеңімен шешу үшін тиісті мекемелерге нақты тапсырмалар берілетінін және олардың орындалуы бақылауда болатынын атап өтті. Сонымен қатар, тұрғындардың өтініштері назардан тыс қалмай, шешімін табатыны жеткізілді. Қабылдау соңында аудан әкімі көтерілген барлық мәселелерді бақылауға алуды және олардың орындалуын қатаң қадағалауды тапсырды.
Comments