Құрылтайдан кейінгі ой АДАЛ АЗАМАТ БОЛУ БӘРІМІЗДІҢ МІНДЕТІМІЗ

Президент өз сөзінде
еңбексүйгіштік, іс­керлік сияқты, сондай-ақ, жал­пы­адам­зат­тық және ұлттық құн­ды­лық­тар­ды өзіміз үлгі көрсету ар­қылы біздер жастар мен өскелең ұр­пақ­қа дәріптеуіміз керектігіне, ұрпақ тәрбиесіне оң ықпал ететін ша­раларды кешенді түр­де жүр­гізу­мен қатар оқу-ағарту ісін жаң­ғыр­ту қажеттігіне көңіл бөлді. Түркістан қаласында өткен Ұлт­тық Құрылтайдың оты­рысында «Әді­летті Қазақ­стан — Адал азамат» атты тақырыпта сөз сөйлеген Мемлекет бас­шысы Қасым-Жомарт Тоқаев: «Та­залық пен ұқыптылық күн­делікті өмір салтымызға ай­налуы қажет: қа­лалар мен ауыл­дардың сәу­летті, саябақ­тар мен ауланың таза болуы, ең ал­ды­мен, басқа біреуге емес, өзімізге ке­рек. Жұрттың бәрі өз үйінің жайлы әрі әдемі болға­нын қалайды. Бұл дұрыс. Аза­мат­тарымыз қоғамдық орын­дар мен қоршаған ортаға да, дәл сон­дай жанашыр көзбен қа­рауға тиіс. Қазақстан – бәрімізге ортақ, оның қандай бола­тыны тек бізге байла­ныс­ты. Яғни, біз іші де, сырты да бүтін ел бо­луымыз ке­рек… Негізгі мақ­сат – табысты мем­лекет болу. Бұл мыз­ғымас қағида болуға тиіс», — деді.
Сонан соң Прези­дент­іміз Ұлт­тық Құрыл­тай – хал­қымыздың мақсатын ұйыс­ты­ратын бірегей құрылым екен­дігі, ол арқылы Ұлт тағдыры сынға түскенде бәрі ақылда­сып, елдің болашағын айқын­дағаны, қалың жұрт са­лиқалы сөзге тоқтап, ел бастаған ер­лерге көш тізгінін ұстат­қандығы, бір ел және бір халық болып сыртқы қатерге қарсы тұрған­дығы, қазақтың бірлігі мен тұтастығының ордасы болған киелі Түркістан болашақта да осы мәртебелі миссиясын атқара беретін­дігі жайлы айтты. Елі­міздің дамуына кедергі кел­тіретін нәрсенің барлы­ғынан ары­­лып, қоғамымызды нығайта түсу үшін алға қойған мақса­тымызды, яғни саяси-эко­­ном­икалық рефор­ма­лар мен қо­ғамдағы терең әлеумет­тік-мәдени өзгерістерді қатар іске асы­руымыз қажеттігін ерекше атап өтті жә­не бұл – өте ма­ңызды міндет екен­дігін, сон­дықтан біз алға үздіксіз ба­суымыз керектігін сөз етті.
Президент Өз сөзінде еңбек­сүйгіштік, іскерлік сияқты, сондай-ақ, жал­пыадамзаттық және ұлттық құн­ды­лықтарды өзіміз үлгі көрсету арқылы біздер жастар мен өскелең ұр­пақ­қа дәріптеуіміз керектігіне, ұрпақ тәр­биесіне оң ықпал ететін шара­ларды ке­шенді түр­де жүр­гізумен қатар оқу-ағарту ісін жаң­ғырту қажеттігіне көңіл бөлді.
Қорыта келгенде: Елімізде жаңа қо­ғамдық этика қалыптасуы керек. Онда ел­дің бірлігі және тұрақ­тылығы азамат­тар­дың өзара тілек­тестігі, әділдік, заң мен тәр­тіп, сенім және жауапкершілік сияқты құн­дылықтыр үстемдік құруы қажет. Отан­шылдық, адамгершілік, білімпаздық, нағыз маман болу, үнемшілдік, еңбек­қор­лық, ел мен жерге жанашырлық сияқты асыл қасиеттер бәрінен биік тұруға тиіс. Осындай ізгі қасиеттің бәрін бойына сіңір­ген жанды – Адал азамат деген бір ауыз сөз­бен сипаттауға бола­тынын атады. Мем­­лекет басшысының атаған мә­се­ле­ле­рі ха­лықтың көңілінен шыға­тындығы бел­гілі. Әр­біріміздің осы істе үлесіміз қо­мақ­ты еке­ні түсінікті. Ниет пен істің бір ар­на­да то­ғыс­қанда ғана алар асу оңай бо­ла­ры ай­қын!

Гүлия ТАЙТЕЛИЕВА,
«Ордабасы аудандық әйелдер кеңесі»
қоғамдық бірлестігінің төрайымы.