ҚР Парламенті Мәжілісінің депутаты Ержан Құдайберген Төлепұлы «AMANAT» партиясының жол картасы аясында Бадам ауылындағы «Орда» ықшам ауданында тұрғын үйлер үшін инженерлік-коммуникациялық желілер құрылысымен танысты. Құрылыс жұмыстарының барысымен Ордабасы ауданы әкімінің орынбасары Оралбаев Азат Әбдіғалиұлы таныстырды.
Айта кетерлік «Орда» ықшам ауданының электр желісінің құрылысын жүргізген мердігер: «Нұр Аман» ЖШС, автор: «Сурет» ӨК, техникалық қадағалаушысы: «Сапалы құрылыс инжиниринг» ЖШС, құны – 433 549,8 мың теңге. Ауыз су жүйесі құрылысын жүргізген мердігер: «Нұр Аман» ЖШС, автор: «Сурет» ӨК, техникалық қадағалаушысы: «Turan stroy» ЖШС, құны: 479 453,0 мың теңге. Ауыз су жүйесі және әлектр желісінің құрылысы 2021 жылы толығымен аяқталып қазіргі таңға 1341 жер учаскелері мен тұрғын үйлер толықтай таза ауыз сумен және электр желісімен қамтылған.
Ал Орда ықшам ауданының өзекті мәселесі ішкі жолдарының құрылысы толық аяқталмауы, себебі қажетті қаражат толық қаралмауда, бұл бойынша құрылыс басқармасына бірнеше ұсыныс хаттар жолданған. Құрылыс жұмыстары толығымен аяқталып жүзеге асқан жағдайда 1341 жер үчаскелері мен тұрғын үйлер толықтай сапалы жолмен қамтылатын болады.
Comments