Қазақстанда атом электр станциясын салу мәселесі бойынша референдум 6 қазанда өтеді. Бұл туралы Қазақстан Президенті Қасым-Жомарт Тоқаев 2 қыркүйекте халыққа жолдауында айтты.
Еліміздің экономикалық дамуы, қоғамдағы әлеуметтік тұрақтылық пен халықтың әл-ауқатының артуы энергетика саласына негізделген. Өткен жылы электр қуатын тұтыну кейінгі жылдардағы көрсеткіштен 6 есе асыпты. Мамандар болашақта электр энергиясына деген тапшылық арта түсетінін, одан шығудын бірден-бір балама жолы атом энергетикасының әлеуетін қолдану екенін алға тартып жатыр. Бүгінгі таңда энергетикалық қауіпсіздікті қамтамасыз етуде аталған саланы дамыту күн тәртібіндегі мемлекеттің басты міндеттерінің біріне айналып отырғаны бар.
АЭС салу жай мақсат емес, бұл көміртегі бейтараптығы бойынша өзінің халықаралық міндеттемелерін орындайтын, экономикалық және әлеуметтік мәселелерін қамтитын елдің прагматикалық шешім.
Болашақта электр энергиясына сұраныс артатын болса, атом электр стансасын салуды экономикалық қажеттілік деп түсінген дұрыс секілді..
Атом электр стансаларында өндірілетін энергия салыстырмалы түрде арзан. Оны салуға кететін шығын көп, бірақ пайдалану шығыны аз. Бағасы болжамды, ал уран бағасы мұнай, газ немесе көмір бағасы сияқты өзгермейді. Бірақ атом энергетикасының ең маңызды артықшылығы – электр энергиясын өндірудің сенімділігінде. Бұл желге, күнге немесе сырттағы температураға қарамастан тәулігіне 24 сағат, аптасына жеті күн үздіксіз электр қуатын өндіреді.
Мемлекет басшысы қазір әлемде энергия тапшылығы күшейіп барады, Қазақстанға сенімді және экологиялық таза қуат көздері аса қажет деді. Президент атом энергетикасын дамытуға баса мән беру керек екенін алға тартты.
— Күн өткен сайын экономикамызға мол энергия қажет болып жатыр. Мұндай сұранысты атом энергетикасы қамтамасыз ете алады. Қазір дамыған және дамушы 30 мемлекетте 200-ге жуық атом электр станциясы жұмыс істеп тұр»,-деді Президентіміз.
Ахметов Тазабек Үмбетұлы,
аудандық Түрік этно мәдени орталығының төрағасы
Comments