Ордабасы аудандық мәслихаттағы «AMANAT» партиясы фракциясының отырысы өтті. Фракция отырысына Ордабасы ауданының әкімі Азат Оралбаев, аудандық мәслихат төрағасы Бақдәулет Жұмабеков, аудандық партия филиалының төрағасы, фракция жетекшісі Әлиасқар Байдуллаұлы, аудандық мәслихаттағы депутаттық фракция мүшелері, тиісті дербес бөлім және мекеме басшылары қатысты.
Фракция мәжілісін «AMANAT» партиясының Ордабасы аудандық филиалының төрағасы, аудандық мәслихаттағы «AMANAT» партиясы фракциясы жетекші Ә.Бердімұрат ашып, жүргізді.
Фракция отырысының күн тәртібінде «AMANAT» партиясы Түркістан облыстық филиалы Саяси кеңесі Бюросының қаулысымен бекітілген «AMANAT» партиясының Ордабасы ауданыңда «Ауыл аманаты» жобасын іске асыру мәселесі бойынша атқарылған жұмыстары және «AMANAT» партиясы Ордабасы аудандық филиалының 2023-2027 жылдарға арналған сайлауалды бағдарламасының орындалуы бойынша аудан әкімі Азат Оралбаев баяндама жасады.
Отырыс қорытындысында күн тәртібіндегі мәселелер бойынша фракция мүшелері тарапынан бірқатар ұсыныстар айтылып, олардың орындалуы бақылауға алынды.
Comments